Ef fram heldur sem horfir mun metfjöldi þátttakenda sækja námskeið félagsdeildar LMFÍ árið 2025.
Félagsdeild Lögmannafélags Íslands stendur árlega fyrir tugum námskeiða fyrir lögmenn og lögfræðinga en að jafnaði sækja um 400 manns námskeiðin á ári. Á vorönn 2025 sóttu hins vegar 412 þátttakendur þau 19 námskeið sem voru í boði en ástæðuna má fyrst og fremst rekja til námskeiðs um gervigreind sem haldið var alls fimm sinnum með um 100 þátttakendum.
Alls hafa 14 námskeið hafa verið skipulögð fyrir haustönn 2025 (sjá hér) Flest námskeið félagsins eru „hybrid“ – þ.e.a.s. bæði í boði að mæta á staðinn og vera í fjarfundi. Sú leið hefur reynst vel enda er hluti félagsmanna á landsbyggðinni sem sækir námskeiðin.
Þar sem Lögmannafélagið er að flytja úr Álftamýrinni þá hefur verið samið við Garðyrkjufélag Íslands um að leiga sal í þeirra eigu sem er í Síðumúla 1, 108 Reykjavík.
Þess má geta að félagar í LMFÍ, sem eru í félagsdeild, fá ríflegan afslátt af námskeiðunum eða sem nemur 40% og er aðild því fljót að borga sig. Að sama skapi fá félagar í LÍ og LMFÍ 20% afslátt.
Námskeið haustsins
September
Grunnnámskeið í notkun gervigreindar – 18. september 2025 (fjarnámskeið)
Á þessu grunnnámskeiði verður farið yfir hvernig lögfræðingar geta nýtt sér gervigreindina í störfum sínum. Hver eru tækifærin og hverjar eru takmarkanirnar? Hvað er ChatGPT og hver er munurinn á ChatGPT og öðrum lausnum?
Nánari upplýsingar
Riftun verksamninga – 23. september 2025
Fjallað verður um riftun verksamninga í mannvirkjaframkvæmdum og lögð áhersla á að varpa ljósi á þau sérsjónarmið sem koma til álita við beitingu úrræðisins í verktakarétti. Umfjöllunin mun einkum hverfast um ákvæði íslenska staðalsins ÍST-30 en til samanburðar verður einnig …
Fjölmiðlanámskeið fyrir lögfræðinga – 30. september 2025
Hagnýtt námskeið um fjölmiðlaumhverfið og hvernig sé best að nálgast hvern miðil fyrir sig. Ítarlega er farið yfir ólík markmið hvers miðils og stemningu ólíkra þátta eða miðla. Einnig skoðum við viðbúnar lengdir viðtala, ólíka markhópa, hlustunartölur og muninn á framkomu í sjónvarpi, útvarpi eða …
Október
Ábyrgðartryggingar – 2. október 2025
Á námskeiðinu verður fjallað ítarlega um ábyrgðartryggingar, sem er sú tegund vátrygginga, sem hvað mesta þýðingu hefur í starfi flestra lögmanna. Fyrst verður fjallað með almennum hætti um ábyrgðartryggingar, uppruna þeirra, eðli og tilgang. Rakið verður …
Straumar og stefnur í verktakarétti – 14. október 2025
Fjallað verður um þróun á nokkrum sviðum verktakaréttar s.s. um beitingu tafabóta, notkun nýrra samningsforma, og úrlausn ágreiningsmála. Þá verður farið yfir valin efni sem snerta viðbótarkröfur verktaka, meðal annars um …
Kaup og sala fyrirtækja – 21. október 2025
Farið verður yfir aðdraganda og undirbúning við kaup og sölu fyrirtækja sem og helstu skjöl sem útbúin eru og nýtt í tengslum við slík kaup, en áhersla verður lögð á sölu fyrirtækja sem …
Helstu atriði í verðmati fyrirtækja – 22. október 2025
Tilgangur námskeiðsins er að aðilar skilji helstu aðferðir til að leggja mat á virði fyrirtækja. Þar sem námskeiðið er stutt verður áhersla lögð á skilning á sjóðsstreymisverðmati umfram …
Veikindaréttur – 28. október 2025
Fjallað verður um veikindarétt starfsmanna og hlutverk trúnaðarlækna. Hvenær á starfsmaður rétt á launum og hvenær ekki? Gilda sömu samningar um
Nóvember
Höfundaréttur í hnotskurn – 4. nóvember 2025
Námskeiðið er annað í röðinni í námskeiðslínu um höfundarétt. Að þessu sinni verður fjallað um sæmdarrétt og takmarkanir á höfundarétti vegna …
Úrskurðarnefnd vátryggingamála: Hvernig má gera betur? – 6. nóvember 2025
Úrskurðarnefnd vátryggingamála afgreiðir milli 400 og 500 mál árlega. Málin koma ýmist beint frá almenningi eða í gegnum lögmenn. Á námskeiðinu verður farið yfir undirbúning mála, gagnaöflun og …
Starfslok opinberra starfsmanna – 11. nóvember 2025
Áhersla verður á yfirlit og túlkun réttarreglna sem fram koma í lögum um réttindi og skyldur starfsmanna ríkisins nr. 70/1996, með samanburði við réttarstöðu starfsmanna sveitarfélaganna þar sem …
Námskeið fyrir matsmenn – 12. og 13. nóvember 2025
Lögmannafélag Íslands og dómstólasýslan standa fyrir námskeiði fyrir dómkvadda matsmenn. Farið verður yfir hlutverk matsmanna og starf þeirra frá dómkvaðningu og þar til þeir skila matsgerð og/eða mæta fyrir dóm. Þá verður farið yfir ákvæði einkamálalaga sem varða störf matsmanna og samningu …
Aðgreining vægs heilaáverka, áfallastreitu og annars konar vanda í kjölfar slysa eða árása: Er þetta alltaf mögulegt? – 20. nóvember 2025
Erfitt getur verið að aðgreina einkenni vægs heilaáverka frá öðrum heilsufarsvanda. Taugasálfræðingar eru stundum fengnir til að aðstoða við slíkt mat ásamt öðrum. Á námskeiðinu verður fjallað um einkennaskörun vægs heilaáverka, krónískra verkja …
Desember
Eignarnám frá A til Ö – 2. og 4. desember 2025
Á námskeiðinu verður farið yfir eignarnámsframkvæmd í þrengri merkingu eða þegar maður eða lögaðili er sviptur eignarréttindum sínum á grundvelli sérstakrar lagaheimildar þar að lútandi í þágu almannahagsmuna og gegn…
